Jizzaxda FVB mansabdori pora bilan ushlandi, deb xabar berdi DXX.
Mirzacho‘l tumani Favqulodda vaziyatlar bo‘limi boshlig‘i o‘rinbosari umumiy ovqatlanish maskanida o‘tkazilgan tekshiruvda aniqlangan yong‘in xavfsizligi kamchiliklari yuzasidan maʼmuriy bayonnoma rasmiylashtirgan.
U maskanni yopib qo‘ymaslik va hujjatlarni sudga yubormaslik evaziga 3 mln so‘m talab qilgan.
O‘tkazilgan tezkor tadbirda mansabdor shaxs so‘ralgan pulni ovqatlanish maskani rahbaridan olgan vaqtida ushlandi.
Holat yuzasidan unga nisbatan jinoyat ishi qo‘zg‘atilib, tergov harakatlari olib borilmoqda.
